Guggemuusig Nootechaote + Waagechaote Sissach

D’Nootechaote sind im 2010 vo Chinder gründet worde. Zur Zyt sind mir 34 Mitglieder. Mir Probe 1x Wüchentlich abwächselnd Fritig / Samstig. Näbst de Probe sin mir au an Ufftritt am Spiele. Natürlich sin mir an dr Fasnacht Sissach Aktiv derbi. Aber au in Gälterkinde und an verschiedene Vorfasnachte. Unterem Joor mache mir au mol e Grillplausch wo me alli gmietlich zäme Sitzt und dr Plausch het. Zu unserne Traditione ghöre dr Chindergarte Umzug in Sissach und Gälterkinde, s Schiessdräckzügli am Fasnachts Mittwuch mit de Schlammsuuger und am Mittwuch zobe in Gälterchinde zäme mit de E.N. Bloosbälg. Wenn Du Lust an der Musig und Fasnacht hesch bisch bi uns richtig. Alli Chinder ab dr 1. Klass bis 18 Joor alt dörfe bi uns biiträtte. Es Instrumänt muesch äu nid behersche das wirdsch schnell leere.